Liu Shishi និង Nicky Wu ផ្អាកការងារទាំងអស់សិន ព្រោះតែចង់បានកូន

2018-09-01 19:43:41
ចំនួនមតិ 0 | ចំនួនចែករំលែក 0

ប្រភពនានាបានឲ្យដឹងថា គូស្នេហ៍តារាសម្ដែងល្បីឈ្មោះតៃវ៉ាន់ Nicky Wu និង Liu Shishi កំពុងអន្ទះសារមានកូនយ៉ាងខ្លាំងក្រោយរៀបអាពាហ៍ពិពាហ៍បាន២ឆ្នាំ។

កាលពីថ្ងៃទី២៧ ខែសីហាមុននេះបណ្ដាញព័ត៌មានចិន Sina បានឲ្យដឹងថា តារាសម្ដែងប្រុសជួរមុខតៃវ៉ាន់ Nicky Wu កំពុងផ្អាកការងារទាំងអស់ដើម្បីជិតប្រពន្ធបានច្រើនជាងមុន សង្ឃឹមថានឹងអាចមានកូនក្នុងពេលឆាប់ៗនេះ។ ចាប់តាំងពីដើមឆ្នាំមក ប្រុសស្អាតវ័យ៤៧ឆ្នាំមិនទទួលគម្រោងថ្មីណាទាំងអស់។ ស្របគ្នានេះដែរ ស្រីស្អាតវ័យ៣១ឆ្នាំក៏មិនបានថតរឿងទាំងអស់ដែរ យូរៗគេសង្កេតឃើញនាងថតពាណិជ្ជកម្មម្ដង។

ចែករំលែកនឹងបណ្ដាញព័ត៌មាន តារាប្រុសរូបនេះបានចែករំលែកថា៖ “កាលពីមុន ១ឆ្នាំខ្ញុំថត៣រឿង ជីវិតមានតែការងារសោះតែម្ដង។ ពេលនេះថតរឿងគ្រាន់តែជាផ្នែកមួយនៃជីវិតប៉ុណ្ណោះ ខ្ញុំចង់ចំណាយពេលច្រើនសម្រាប់គ្រួសារ”។

គួរបញ្ជាក់ផងដែរថា គូស្នេហ៍មានឥទ្ធិពលនេះបានរៀបការនឹងគ្នាតាំងពីឆ្នាំ២០១៦ ទោះបីជាទម្លាយថាពួកគេផ្អែមល្ហែមនឹងគ្នាខ្លាំង តែមកទល់ពេលនេះមិនទាន់មានកូននៅឡើយ។ ធ្លាប់មានព័ត៌មានថាខាងប្រុស អាមិនអាចមានកូន តែលោកមិនដែលចេញមុខបកស្រាយឡើង៕

ចុចអាន៖ Song Hye Kyo បង្អួតនាឡិកាគូជាមួយប្ដីតម្លៃ១ម៉ឺន៥ពាន់ដុល្លារក្នុងកម្មវិធីថ្មី

ប្រភព៖ ngoisao ប្រែសម្រួល៖ Caramel