ខំលក់ស្បែកជើងសន្សំលុយទៅកែមុខ បុរសថៃទទួលលទ្ធផលស្អាតមិនចាញ់តារាកូរ៉េ

2019-09-04 21:00:00
ចំនួនមតិ 0 | ចំនួនចែករំលែក 0

បុរសជនជាតិថៃមួយរូបបានបង្ហាញឲ្យពិភពលោកឃើញថា នៅលើលោកនេះគ្មានអ្នកណាអាក្រក់ទេ មានតែអ្នកមិនទាន់ចេះស្រលាញ់ខ្លួនឯងប៉ុណ្ណោះ។

រូប Ratchadapong Prasit មុន និងក្រោយពេលវះកាត់

ការជះឥទ្ធិពលនៃសិល្បៈកូរ៉េមិនត្រឹមតែធ្វើឲ្យវប្បធម៌កូរ៉េត្រូវបានគេស្គាល់នៅគ្រប់ទិសទីនោះទេ រូបសម្រស់របស់តារាប្រទេសនេះក៏ត្រូវបានអ្នកគាំទ្រជាច្រើនយកធ្វើជាគំរូសម្រាប់ខ្លួនឯងដូចគ្នា។ ជាក់ស្ដែង ថ្មីៗនេះ បុរសជនជាតិថៃឈ្មោះ Ratchadapong Prasit វ័យ ២៥ឆ្នាំ មកពីទីក្រុងបាងកកបានឆ្លងកាត់ការវះកាត់កែសម្ផស្សប្រមាណ ៣០ ដងក្នុងកំឡុង២ ឆ្នាំ។

រូបរាងរបស់លោក គឺយកតាមតារាចម្រៀងល្បីឈ្មោះ Choi Minho សមាជិកក្រុមចម្រៀង Shinee។ ដើម្បីបានលុយមកវះកាត់នេះ លោកបានចំណាយពេលលក់ស្បែកជើងនៅក្រុងប៉ាតាយ៉ារាប់ឆ្នាំទម្រាំគ្រប់លុយ។

រូប Ratchadapong Prasit ក្រោយពេលវះកាត់

គួរបញ្ជាក់ផងដែរថា មូលហេតុដែលធ្វើឲ្យបុរសវ័យ ២៥ ឆ្នាំសម្រេចឆ្លងកាត់ការវះកាត់ដ៏ឈឺចាប់ ៣០ដង នោះក៏ដោយសារចង់ផ្លាស់ប្ដូរជីវិតខ្លួនឯង។ ពីមុនលោកចង់ក្លាយជាអ្នករាំ តែពេលទៅដាក់ពាក្យ ៧ដង គឺលោកធ្លាក់ទាំង ៧ ដង។ ក្រោយពេលវះកាត់បានសម្រេច លោកពិតជាបានក្លាយជាអ្នករាំអាជីពដូចបំណងពិតមែន ក្រោយចូលរួមក្នុងកម្មវិធី “One Man”។ “ក្រោយពេលផ្លាស់ប្ដូររូបសម្បត្តិហើយ ឱកាសល្អៗបានរត់មករកខ្ញុំជាច្រើន។ វះកាត់កែសម្ផស្សបានផ្លាស់ប្ដូរជីវិតខ្ញុំឲ្យល្អជាងមុនច្រើនខ្លាំងណាស់” Prasit ចែករំលែក៕

ចុចអាន៖CEO របស់ Mistine សរសើរ ម៉ៃយ៉ា និង Mike មិនដាច់ពីមាត់ពេលចូលរួមកម្មវិធីជាមួយតារាថៃ

ប្រភព៖ Kenh14 ប្រែសម្រួល៖ Caramel