៥ រឿងមនុស្សស្រីឆ្លាតលាក់ឡើងជិត មនុស្សស្រីឆោតដើរនិយាយពីដើមភូមិ ដល់ចុងភូមិ

2020-08-26 01:00:00
ចំនួនមតិ 0 | ចំនួនចែករំលែក 0

មនុស្សស្រីឆ្លាត លាក់រឿងក្នុងគ្រួសារ ដូចលាក់មាស។ មនុស្សស្រីអត់គំនិត យករឿងក្នុងផ្ទះទៅប្រាប់អ្នកក្ដៅដើម្បីលេងសើច។ ខាងក្រោមនេះគឺជារឿងទាំងឡាយដែលមនុស្សស្រីមានចំណេះដឹងតែងលាក់ទុក ឯមនុស្សស្រីគិតមិនដល់តែងដើរហែកប្រាប់គេឯង។

១. រឿងរួមដំណេករបស់ប្ដីប្រពន្ធ

មនុស្សឆ្លាត ប្រាកដជាគ្មានថ្ងៃយករឿងលើគ្រែរបស់ប្ដីប្រពន្ធមកហែកហួង ឲ្យគេយកធ្វើសំណើចឡើយ។ បើនិយាយចេញមក តើមានអ្វីបានមកវិញ ក្រៅពីគេសើចចំអកនោះ? តែមនុស្សស្រីខ្លះ មិនបានគិតដូចនេះឡើយ ដោយមានមោទនភាពលើរឿង ហើយដើរអួតគេគ្រប់ផ្ទះ។

២. ចំណូលរបស់ប្ដី

មនុស្សស្អប់បំផុតគឺត្រូវគេប្រៀបធៀបនឹងអ្នកដទៃ ពួកគេមិនពេញចិត្តក្នុងការត្រូវប្រពន្ធយករឿងលុយកាក់ទៅប្រាប់អ្នកក្រៅឡើយ។ មនុស្សស្រីត្រូវដឹងថា វាសនាមនុស្សមានឡើងមានចុះ មិនទៀងនោះទេ។ អ្នកដើរអួតគេពីលុយរបស់ប្ដី នៅថ្ងៃនេះពេលប្ដីអ្នកមានលុយច្រើន តែមិនប្រាកដថាថ្ងៃក្រោយគេមិនលំបាកទេ។ ដូចនេះកុំយកចំណូលប្ដីដើរអួតគេឲ្យសោះ។

៣. វិធីចិញ្ចឹមកូន

ការចិញ្ចឹមកូនរបស់គ្រួសារនីមួយៗ សុទ្ធតែខុសប្លែកគ្នា។ អ្នកមានវិធីរបស់អ្នក គេមានវិធីរបស់គេ។ បើយើងគិតថាវិធីរបស់យើងល្អ គេក៏គិតដូច្នេះដូចគ្នា។ ដូចនេះហើយ កុំវាយតម្លៃវិធីរបស់គេឲ្យសោះ។ បើមិនចង់ឲ្យគេវាយតម្លៃវិធីរបស់យើង យើងក៏មិនគួរប្រាប់គេធ្វើអីដែរ។

៤. ក្នុងផ្ទះទើបតែទិញបានអី

មនុស្សស្រីមួយចំនួន ដោយសារតែត្រេកអរខ្លាំងពេក រាល់ពេលទិញបានអ្វីថ្មី ក៏ដើរប្រាប់អ្នកជិតខាង ដើម្បីអួតគេ។ តែអ្នកឆ្លាត គេនឹងមិននិយាយរឿងទាំងនេះចេញក្រៅឡើយ ព្រោះប្រការនេះ នឹងធ្វើឲ្យគេដឹងថាយើងមានអ្វីខ្លះ ហើយគិតថាយើងមិនចេះដាក់ខ្លួន។

៥. មួយខែចាយអស់ប៉ុន្មាន

បើអ្នកនិយាយរឿងចេញក្រៅ ហើយអ្នកចាយច្រើននោះ គេនឹងវាយតម្លៃថាមិនឆ្លាតចាយវាយមិនចេះគិត មិនចេះទុកដាក់។ តែបើអ្នកប្រាប់ថាចាយតិចវិញ គេនឹងថា អ្នកគំរិះ កេះមិនចេញ។ និយាយទៅបើនិយាយចេញទៅ ផ្លូវណាក៏ខុស។ ដូចនេះយកល្អ អ្នកមិនគួរបង្ហើបចេញឡើយ៕

ប្រភព៖ Phunutoday ប្រែសម្រួល៖ Caramel