ហេតុអ្វីជាកំពូលតារាសម្ដែងដែរ តែ Zhao Li Ying ត្រូវតារាស្រីដទៃមិនរាប់រក?

2022-02-16 04:30:00
ចំនួនមតិ 0 | ចំនួនចែករំលែក 0

ទោះបីជាសិល្បការិនីលំដាប់ A ក៏ពិតមែន តែតារាសម្ដែងស្រី Zhao Liying ត្រូវតារាស្រីដទៃឃ្លាតឆ្ងាយដោយសារតែអត្តចរិកស្ងប់ស្ងាត់របស់ខ្លួន។ នៅក្នុងវិស័យសិល្បៈ ក្រៅពីសម្រស់ និងទេពកោសល្យ ដែលអាចជួយឲ្យលេចធ្លោក្នុងសិល្បៈនោះ គឺតម្រូវឲ្យមានការស្គាល់គេឯងធំទូលាយទៀត ទើបទទួលបានការងារច្រើនមិនដាច់។ យ៉ាងណាក្ដី មានករណីមួយចម្លែកខុសពីគេនៅក្នុងសិល្បៈនោះគឺ តារាសម្ដែងស្រី Zhao Li Ying ដែលកំពុងស្ថិតនៅលើកំពូលអាជីពរបស់ខ្លួននោះ បែរជាមិនសូវមានមិត្តរាប់រកទៅវិញ។ តាមនោះដែរ កាលពីថ្មីៗនេះ បណ្ដាញព័ត៌មាន Sina បានរាយការណ៍ថា បើគិតពីតារាសម្ដែងស្រីលំដាប់ A ដែលទទួលបានជោគជ័យនោះ អាចនិយាយបានថា តារាសម្ដែងស្រី Zhao Liying គឺជាអ្នកដែលខ្សោះមិត្តជាងគេ។ ប្រភពដដែលបានលើកឡើងថា ខុសពីមិត្តរួមអាជីពដែលមកពីទីក្រុងធំៗនោះ អ្នកម្ដាយកូន១ធំដឹងក្ដីក្នុងទីក្រុងតូច ដែលធ្វើឲ្យអត្តចរិករបស់នាងក៏ស្រគត់ស្រគុំ មិនសូវចេះនិយាយស្ដីច្រើន។ ជាក់ស្ដែង នៅរាល់ក្នុងកម្មវិធីធំៗនានា តួរឿង The Legend of Fei ទោះបីជាអង្គុយក្បែរសិល្បករ សិល្បការិនីដទៃជាច្រើនក៏ពិតមែន តែគេអាចសង្កេតឃើញថា ពួកគេតែងមានគម្លាតនឹងគ្នាជានិច្ច ដោយទោះបីជាតារាស្រីដទៃថតរូបជុំគ្នា ក៏ស្រីស្អាតអាយុ ៣៤ឆ្នាំ មិនដែលចូលរួមនឹងគេដែរ។ អាចមើលឃើញយ៉ាងច្បាស់ថា កំពូលតារាសម្ដែងស្រីដទៃដូចជា Yang Mi, Angelababy និង Ni Ni តែងតែជួបជុំគ្នាយ៉ាងរីករាយ តែតារាស្រីកើតឆ្នាំ ១៩៨៧ សុខចិត្តនៅម្នាក់ឯង មិនចូលរួមនឹងគេដែរ៕

ប្រភព៖ ngoisao ប្រែសម្រួល៖ Caramel