ស្រោមអនាម័យមិនត្រឹមតែការពារការឆ្លងរោគប៉ុណ្ណោះទេ វាក៏ល្អសម្រាប់មាត់ស្បូនស្ត្រីដែរ

2017-10-31 21:53:26
ចំនួនមតិ 0 | ចំនួនចែករំលែក 0

ប្រសិនអ្នកជាមនុស្សដែលមានភាពសកម្មខ្លាំងក្នុងរឿងរួមភេទ អ្នកគួរតែដឹងពីហានិភ័យមួយចំនួនដែលអាចបង្កជាជំងឺឆ្លងបណ្តាលមកពីការរួមភេទ។ ជំងឺទាំងនោះមានដូចជា មេរោគអេដស៍ កាមរោគ ស្វាយ ប្រមេះ ជាដើមហើយអ្វីដែលគ្រប់គ្នាយល់ច្បាស់ពីវិធីនៃការការពារនោះគឺ ការប្រើប្រាស់ស្រោមអនាម័យឱ្យត្រូវតាមក្បួនខ្នាត។ យ៉ាងណាក្តី ការប្រើប្រាស់ស្រោមអនាម័យឱ្យត្រូវតាមក្បួនខ្នាត មិនមែនអាចជួយការពារជំងឺឆ្លងផ្សេងៗបានតែម្យ៉ាងទេ វាក៏ផ្តល់អត្ថប្រយោជន៍មួយចំនួនទៅដល់ភាគីរួមភេទជាស្ត្រីបានផងដែរ។

រូបតំណាង

មាត់ស្បូនរបស់ស្ត្រីត្រូវការលំនឹងអាស៊ីតបាស ឬនិយាយឱ្យស្រួលស្តាប់ទៅគឺកម្រិតpH ចំណែកឯទឹកកាមបុរសវិញគឺមានកម្រិតបាសច្រើន pH ៧.២ ទៅ ៨.០ (ទិន្នន័យពី WTO)។ ក្នុងពេលកំពុងប្រតិបត្តិការរួមភេទ ទឹកកាមដែលផ្ទុកកម្រិតបាសច្រើននោះអាចធ្វើឱ្យមាត់ស្បូនស្ត្រីឆ្លងនូវបាក់តេរីមួយចំនួនដោយសារតែគ្មានលំនឹងpH។ បាក់តេរីទាំងនោះហើយដែលជាដើមហេតុធ្វើឱ្យស្ត្រីមានការរមាស់ ឬរលាក។ អ្វីដែលយើងកំពុងនិយាយនេះគឺចង់សំដៅលើអ្នកមិនទាន់មានដៃគូជាក់លាក់ ដែលពួកគាត់គួរតែប្រុងប្រយ័ត្នចំពោះបញ្ហាខាងលើ ទោះជាវាមិនធ្ងន់ធ្ងរក៏ដោយតែការប្រើប្រាស់ស្រោមក៏ជួយអ្នកឱ្យគេចផុតពីជំងឺឆ្លងផងដែរ។

យ៉ាងណាក្តី ប្រាកដជាមានសំណួរថាចុះដៃគូដែលចង់បានកូនវិញតើពួកគេគួរធ្វើបែបណា? គេហទំព័រ Shape បានលើកឡើងថាអ្នកដែលចង់មានគ្រួសារមិនបាច់បារម្ភពីបញ្ហានេះទេ ជាក់ស្តែងគឺមិនបាច់ប្រើស្រោមអនាម័យតែម្តង ឲ្យតែអ្នកទាំងពីរមានដៃគូតែមួយទល់នឹងមួយ ៕

ចុចអាន៖ពេលអីៗជាមួយគ្នាម្ដងៗ ស្រីៗភាគច្រើនអត់ដឹងថាអាចកើតជំងឺអាថ៌កំបាំងមួយនេះទេ

ប្រភព៖ Shape ប្រែសម្រួល៖ អ៊ុង រ័ត្នបញ្ញា